على هيئة أشباح وقبور وقرع عسل .. شموع مريم تخرج عن المألوف .. صور
اعتادنا على رؤية الشموع بشكلها التقليدي المعروف وتنوعها بين الطول والقصر، واستخدامها في إضاءة حلوى عيد الميلاد، أو لتضيف لمسة رومانسية بعشاء على ضوء القمر، لكن الذى لم نعتد عليه هو رؤية شموع على هيئة أشباح، وهذا ما صممته مريم حسين، التى صممت شموع على هيئة عفاريت وأخرى على هيئة قبور لتضيف لمسة رعب جديدة لم يعتاد عليها بعض الأشخاص.
شمع على هيئة شبح
تحدثت مريم حسين، خريجة حقوق القاهرة، مصممة شموع، والتي تحدثت عن اتجاهها لتصميم شموع على هيئة أشباح، حيث قالت :” اتجهت لتصميم الشموع عشان مريت بفترة صعبة جداً فى حياتي وكنت محتاجة حاجة تساعدني أعدى الفترة دي، وأشغل نفسي بيها وفى نفس الوقت أنا بحب الشغل اليدوي والفن والعطور، لقيت تصميم الشموع مناسب جداً ليا وفعلاً بدأت أعمل الشموع وكل ما أشوف تصميماتى قدامي بتبسط جداً وده خرجني الحمد لله من الفترة الصعبة اللي مريت بيها”.
شمع على هيئة قرع عسل
وتابعت :”فكرت أصمم أشكال مختلفة مناسبة لعيد الهالوين والناس هتحبها زي ” البمبكن ” والأشباح وفيه كمان أشكال قبور”.
وعن المواد التي تستخدمها في تصميم الشموع، قالت :” أبرز مواد الشموع بتكون على حسب الشمع اللي بصممه مثلاً لو فواحات بستخدم شمع النخيل عشان بيحتفظ بالعطر بقوة وشمع كوبايات بيكون خليط بين زيت النخيل وشهد العسل ودي شموع طبيعية “.
شموع على هيئة قبور
وعن الصعوبات التي تقابلها خلال تصميم الشموع، قالت :”الصعوبات اللي بتقابلني أوقات الشمع بيطلع مضروب فلازم اشتري من مكان موثوق فيه، عشان اقدر أطلع شمع طبيعي مش مضروب ونفس الوقت مايبوظش الشغل وبحاول دايما أضيف لمساتى في الشمع اللي بعمله يعني مش بلتزم بشكل معين أو معايير معينة أعمل بيها الشمع وبشوف دايما المناسب وأحاول أطور من الأشكال بحيث تكون مختلفة”.
وتحدثت مريم عن حلمها الذى ترغب في تحقيقه قائلة:”نفسي في المستقبل يكون عندى علامة تجارية كبيرة، وأضيف حاجات جديدة في تصميماتى للشموع”.
المصدر : اليوم السابع
